Ferkeslėėd

Ssu'n Stückske van'e Ferkesfutt,
Üss wahl en herrlich Ssaake.
Off we-ik chekock, off bruun gebrott,
Wäm ssall dat wahl nëë schmaake.

Heet me ssu'm Pückske sselfs chefuurt,
Büss dat et koogelround,
Dann wëëg et boll, ssu'lang et duurt
Dre-ihoundfieftich Pound.

Dann krieg et e-ine füar dä Kop,
Wat ssall me länger waachte?
Dä "Karo e-infach" hüart nou op,
Me bruck ni'miähr te schmaachte.

Wat ssall die Bloot- un Leewerwoas
Dann wirr ees präächtich schmaake?
Nims dou op Mettwoas de-i en Lot,
Kass dou ssë düchtich raake.

Merr ouk däm Pannhas üss nëë schlääch,
Me ssall em nëë vercheete.
Däm Pannhas üss, ni'miähr ees Rääch,
Wahl ees an lecker Ete.

Nou leewe we-i wirr päänekesfett,
Wäm ssall dat nëë gefalle.
Em Puck, dat me am Balken heet,
Üss beeter ees im Stalle.

Et middaachs kümp nou ümmer wahl
En auner Stück im Eete.
Wat füar, dat üss noh'nëë echaal,
Doo mutt me wat va" wëëte.

In ssuure Kappes chehüart Speck.
Wä dat e-imool gecheete,
Wä doo e-imool heet draa'geleck,
Wäd et wahl nie vercheete.

Ssu"n Ertessupp off witte Buahne
Mit Iesbe-in, Püatsches, Ferkestatt,
Die wäd ssich alle Weekes luahne,
Doo frëtt ssich jeder buckessaat.

Et Ssunndaachs wäd in'e Kastrole,
En dääftige, fielpöünigem Bole,
Rääch ssaaftig un chutt bruun gebrott,
Wie dat ssu" Ssunndaachs ssiene mutt.

En Stückske van'e Ferkesfutt,
Üss drüm nëë te veraachte,
Merr wenn et rääch chutt schmaake mutt,
Mutt me all sselwes schlaachte.


Stand: 28.11.2017

[schließen]

Fehler melden

Sie haben einen Fehler auf dieser Internetseite gefunden? Bitte teilen Sie ihn uns mit. Ein Redakteur wird sich umgehend darum kümmern.

Haben Sie ein anderes Anliegen, um das wir uns kümmern sollen, dann wenden Sie sich bitte an die Bürgeragentur.

Ihre Nachricht

 

Drucken | RSS-Feed | Fehler melden

Transparenter Pixel