Minne Bruuer Kaal

Vöar säächzich Jooren woar et em Dörp Ssaan changk un cheewe, datt op däm Kirkhoff vanne Famillie de Chrääwer en Schuss chehaule un Bloome chepott woode. En poar riike fabrikante, ees Rühl - Möhlenbeck - Kellermann un Niederhoff, die häwwe de Chrufte vam Gärtner föar Chaild pflege loote.
Ick woar met minne Vaader un us Haundkarre vam Ssaanbärch noom Aubärch ounerwäächs, öm us Chrääwer weinterfaas te maake. Am Kloastermark häpp ick minne Vaader chefrooch: "Worömm häwwe de Schwatte", dat saachde wei föar de Katholiken, "dä Kirkhoff träck beim Dörp un wei Evangelischen mööte dä chanze Bärch eroploupe"?
Minne Vaader saachden, "dat heet ouk wat Chuddes. Do boowe köös me ruihger ligge un do fingk de Sunn ten Minüte eher aan te schiine, ees hie ounen em Dörp."
Op däm Aubärchkirkhoff loage van Vaaders Sitt use Opa un Oma bechraawe. Öm dat Chraaf erömm woar en iserene Tuun chetrocke, dat de Kanine de Bloome nee aaffrete koosde.
Da Chraaf woar chanz flach chehaule met en paar Bloome en de Midde. Äwwer en de räächde Äck aachtern, do woar soane kleine Hügel met en paar Bloome drop. Ick sääch föar minne Vaader: "Wat leit denn do drouner?" Un minne Vaader saach: "Do leit dinn Brüüerke Kaal bechraawe. Dä Kaal woar drei Joor äuler ees dou un ös met ein Joor aan Stickkröche chestorwe. Wenn dän nee chestorwe wöar, hädde wei dei nee meahr chekriige."
Dat woar teeas en Schock, äwwer dann häpp ick mei chefröit, dat se mei noch chekriige hadde. Un wenn die mei domools nee chekriige hädde, soa köös ick nee vanooment bei ink siin un dat Döneken vertälle. Dat kleine Chraaf häpp ick de nöösde Joor ömmer met Bloome versorch un dä Kaal loach ömmer ouner Maiklöckskes un Primele.

Willi Gantenberg, 1987